Јужнокорејската морнарица испукала предупредувачки истрели кон севернокорејски патролен чамец на поморската граница меѓу двете земји, еден ден откако Пјонгјанг соопшти дека лансирал набљудувачки сателит со помош на ракета со долг дострел.
Министерството за одбрана на Јужна Кореја соопшти дека севернокорејскиот брод влегол во нејзините територии на Жолто Море.
– Бродот се повлекол набргу по предупредувањето – додаде министерството.
Јужна и Северна Кореја не се согласуваат околу линијата за разграничување на Жолтото Море од завршувањето на Корејската војна, водена во периодот од 1950 до 1953 година, која заврши со примирје, а не со мировен договор.