Државниот инспекторат за земјоделство го испитува квалитетот на земјоделските производи во поплавените подрачја поради претпоставка за нивна контаминација, соопштија од инспекторатот.
„Пет тимови на земјоделски и фитосанитарни инспектори од денеска вршат обиколка на теренот, по што ќе бидат земени примероци за анализа во лабораториите на Ветеринарниот факултет. Покрај тоа уште еден тим од инспекторатот ќе биде постојано присутен на централниот пункт во Стајковци, каде производителите ќе можат да се консултираат со нив“, пишува во соопштението на Државниот инспекторат за земјоделство.
Директорот на инспекторатот Цветан Трипуновски апелирал до граѓаните кои одлгедуваат земјоделски производи да не ги продаваа, како и до откупувачите – да не откупуваат производи од овој регион додека не се утврди нивната безбедност.
Од инспекторатот велат дека нивните активности се во координација со Агенцијата за храна и ветеринарство.