На Никола Груевски му недостига здрав разум. Тој не може да се помири дека повеќе од една година не е премиер и дека што и да направи не може да се наметне како фактор, затоа што неговото време во политиката заврши!, порача СДСМ вечерва.
Груевски денеска беше во Струмица во придружба на владини функционери и посети некои објекти и проекти во тек.
„Затоа Груевски посетува студентски домови, проверува машини за перење, отвора сали, користи службен премиерски телефон, прави увиди со министерска придружба… Груевски е во бунило бидејќи не може да ги прифати промените што ќе се случат и правдата со којашто треба да се соочи за направените криминали и злодела на 10-годишната власт“, се вели во соопштението од СДСМ.