СДСМ изрази целосна поддршка на Првомајскиот проглас на потписниците на Повелбата за солидарност на синдикатите и на здруженијата за заштита на работничките права до работниците, работничките и до сите граѓанки и граѓани на Република Македонија.
„Програмата на СДСМ предвидува систем кој ќе обезбеди пристојни, безбедни и хумани работни места за сите работници во Македонија. Обединети со синдикатите и со здруженијата за заштита на работничките права, креираме работни места кои се трајното и одржливо решение на постојните егзистенцијални проблеми на граѓаните на Македонија. Со примена на принципите на праведност и на стручност при вработувањето и објективност при унапредувањето и при наградувањето на вработените во јавната администрација, ќе создадеме администрација ослободена од партиските спреги. Денеска, заедно со сите работници и работнички, го креваме гласот на протестниот марш“, велат од СДСМ.