Рускиот опозициски лидер Алексеј Навални денеска е изведен пред суд откако вчера беше уапсен заедно со стотина други демонстранти ширум Русија кои протестираа против корупцијата.
Навални треба да се појави пред судот под обвинение дека организирал и неовластено предводел активности за кршење на јавниот мир, за што законот предвидува затворска казна до 15 дена.
САД и ЕУ го осудија апсењето на стотина демонстранти во Русија и ги повикаа властите веднаш да ги ослободат.
Московската полиција објави дека само во главниот град се уапсени околу 500 лица, а невладините организации јавуваат дека станува збор за околу 1.030 лица.