Италијанскиот премиер, Матео Ренци, изјави дека Европската унија е како „оркестарот кој свирел на Титаник“.
Ренци во интервју за „Блумберг“ ја повика ЕУ да го смени правецот и повеќе да се фокусира на порастот и на вработеноста, а да биде помалку бирократска.
– Ги спроведовме реформите (дома) и сме во позиција да им кажеме на нашите европски партнери – пријатели, можеме да го смениме овој погрешен бирократски пристап – рече Ренци.
Инаку, познато е дека оркестарот на Титаник свирел додека бродот тонел.