Во Скопје овие два дена се одржува серија работилници за користење т.н. „отворени податоци“ во организација на Фондацијата за интернет и општество „Метаморфозис“, во рамките на мрежата ACTION SEE (Accountability, technology and institutional openness network in South-East Europe), која е формирана како резултат на соработка меѓу организациите од областа на информатичката и на комуникациската технологија и од областа на човековите права од регионот (Македонија, Босна и Херцеговина, Србија, Црна Гора и Албанија).
Обуките, на кои присуствуваат активисти и ИКТ-експерти, се состојат од запознавање со концептот на отворени податоци, размена на искуства и градење специфични проекти базирани врз отворени податоци.
Обуката ја водеа Дона Џамбаска од „Метаморфозис“ и Тин Гебер од „Енџин рум“ (The Engine Room).
Процесот не завршува во Скопје, туку продолжува во регионот, а групите ќе имаат можност да се сретнат и да работат со странски експерти.