Околу 200 Финци протестираа денеска против отворањето центар за прием на бегалци во градот Сало, некогашно седиште на телекомуникацискиот гигант „Нокиа“.
Демонстрантите сметаат дека прифатниот центар, кој е планиран во делумно испразнета болница, претставува безбедносен ризик, особено за децата и за жените.
– Сè e земено од невработените, сиромашните и од болните. Сè е испразнето. Доколку центарот се отвори, ќе дојде до пораст на даноците – рече еден од демонстрантите.
Финските власти проценуваат дека бројот на азилантите, кои претежно се од Ирак и од Сомалија, до крајот на годината може да се зголеми на 15.000, што би било за 3.600 повеќе во споредба со минатата година.