Синоќа во Велес беше промовирана деветтата стихозбирка на поетесата Славјанка Љуткова, „Ајде да се сакаме“. Овој настан беше во организација на Градска библиотека „Гоце Делчев“ и на Клубот на писатели „Коста Солев Рацин“.
Во стихозбирката има 56 песни посветени на децата кои завлегуваат во тинејџерските години и кои се збогуваат со своето детство, а кои ги понесуваат немирните љубовни води, појасни промоторката Нада Алексоска, професорка во пензија.