Хроника Приведен кичевец за нелегално поседување оружје

Приведен кичевец за нелегално поседување оружје

Кичевската полиција вчера пронашла и одзела пиштол и рамка со шест куршуми, калибар 6,35 милиметри, при преглед на Ф.Е. (50) во угостителски објект во центарот на градот.

Како што соопшти МВР, настанот се случил околу 16.15 часот  кога Ф.Е. пристигнал во угостителскиот објект. По претходни оперативни сознанија, полициските службеници извршиле преглед врз него и ги пронашле пиштолот и рамката со куршуми.

По претходно известување до Основниот јавен обвинител во Гостивар, Ф.Е., кој нелегално го поседувал оружјето, е приведен.

Против него и претходно биле поднесувани кривични пријави, за што бил и затворски осудуван.