Свет Европа Премиерот на Романија размислува да го отпушти министерот за правда

Премиерот на Романија размислува да го отпушти министерот за правда

Романскиот премиер Сорин Гриндеану изјави дека можеби ќе го смени министерот за правда на таа земја поради спорните уредби за декриминализацијата.

Таа уредба предизвика најмасовни антивладини протести од падот на комунизмот.
Според неговите зборови, уредбата, која требало да декриминализира одредени службени прекршоци, довела до поделба на Романците и додаде дека поради тоа министерот за правда, Флоријан Јордаке, би можел во наредните денови да остане без работа.

Масовни протести од минатиот вторник се одржаа во голем број романски градови откако владата соопшти дека ќе донесе уредба за декриминализација.

Демонстрантите во понеделникот вечерта се собраа пред претседателската палата во Букурешт, обвинувајќи го претседателот Клаус Јоханис за кризата.