Пожар што вчера настанал во атарот на селото Славеј, Општина Кривогаштани, зафатил и дел од археолошкиот локалитет „Врбјанска Чука“, информираше денеска Министерството за внатрешни работи (МВР).
Пожарот настанал околу 15 часот, а била опожарена и дел од опремата за ископување што се користи во локалитетот, инаку во сопственост на Центарот за истражување на праисторија – Скопје.
Од МВР информираа дека пожарот е изгаснат, а увид на местото на настанот извршила увидна екипа од прилепската полициска станица.
Археолошкото наоѓалиште Врбјанска Чука претставува неолитска населба и средновековни јами, каде се откриени голем број артефакти од керамика, камен, кремен и коска. Наодите се чуваат во Заводот и музеј во Прилеп.