Собранието на денешната седница ги донесе законите за судска, за јавно-обвинителската дејност и за извршување на санкции, со кои се зголемуваат платите на вработените. Покачувањето ќе изнесува 15 отсто, извести Министерството за правда.
Со денешното изгласување на законите за изменување на законот за судска служба и на законот за јавно-обвинителска служба, исто така е дефинирана минималната законска плата, а се прави и скалесто усогласување на останатите плати на судските службеници и јавно-обвинителските службеници од сите нивоа. Истовремено, измените донесени денеска ќе овозможат полесно континуирано менување на платите во судската администрација во однос на минималната плата на национално ниво.
Со измените на законот за извршување на санкции се постигнува еднаквост во најниските примања на затворската полиција, преку дефинирање на минималната законска плата.