Повеќе од 700 битолчани нема да бидат кривично гонети поради неточно пријавување на годишните приходи за добивање здравстено осигурување за изминатите години, потврди денеска директорот на Фондот за здравствено осигурување, Сашо Стефановски, при посетата на подрачната единица на фондот во Битола.
Преку 20.000 лица во државата од непознавање на законите или од други причини неточно ги пријавиле сумите на годишните приходи при пријавување за здравстевно осигурување, по што судовите донесоа одлука дека тие се виновни и им изрекоа дури и условни казни затвор. Сега веќе се ослободени од кривично гонење.
– Со измените на законот за здравствено осигурување, ги ослободивме од надомест на штета и од кривично гонење преку 700 битолчани. Тоа е една од придобивките кои директно им ги пренесуваме на осигурениците при вакви посети – рече Стефановски.
Од Фондот најавуваат дека веќе се подготвуваат за нов прокет за отпис на камати кој ќе биде значаен и за фирмите и за поединците кои во изминатиот период создале долг кон Фондот за здравствено осигурување.
А.Б.