Вторпат во само неколку дена, водите на реката Брегалница се црвени. Црвената вода тече од населбата Македонка, пред Штип, каде се наоѓа колекторот за отпадни канализациони води, но и неколку индустриски капацитети, меѓу кои и фабриката за деним и џинс, „Јагје Мезлер“.
Ова е вторпат за само неколку дена водата во реката да стане црвена, а третпат е со сменета боја. Неодамна, според сведочењето на жителите на Ново Село, реката добила темна боја, речиси црна.
Еколошки инспектор излегол на терен и зел примероци по чии анализи ќе биде појасно од што и кој ја обои Брегалница.