Министерот за надворешни работи на Република Македонија, Никола Попоски, денеска и утре во Амстердам ќе учествува на неформалниот состанок на министрите за надворешни работи на земјите-членки на Европската унија, на кој се поканети и земјите-кандидати за членство во ЕУ – Македонија, Албанија, Црна Гора, Србија и Турција.
Како што соопшти МНР, на маргините на состанокот, предвидено е Попоски да има билатерални средби со своите колеги од земјите-членки и од земјите-кандидати за членство во ЕУ.