Откако завршил со гаснење на пожарот кај Чашка, вчера околу 14 часот хеликоптерот на МВР од типот Бел ер 412 бил испратен во реонот на селото Осинчани каде беснеел пожар, јави МВР.
„Хеликоптерот Бел ер 412 од Хеликоптерската единица за полициски намени при МВР во повеќе налети исфрли над 15 тони вода, со што успешно и целосно и овој пожар беше локализиран“, соопшти полицијата.
Неколку часа претходно било пријавено дека во општина Студеничани, во која се наоѓа селото Осинчани, горела нискостеблеста шума и сува трева.
Во гаснењето учествувала и Противпожарната бригада.