Доцна синоќа, во периодот од 00:20 до 1:05 часот полициски службеници од СВР Битола влегле во домот на 60-годишниот З.Т., каде во помошна просторија пронашле 4.080 парчиња различни пиротехнички средства (огномети и петарди).
Како што соопшти МВР, еден ден претходно, во 20:30 часот, бил извршен и преглед на патничкото возило на З.Т. (60) марка Волксваген „поло“ со битолски регистарски ознаки. Притоа, биле пронајдени 2.713 парчиња различни пиротехнички средства.
„По документирање на настанот против лицето ќе биде поднесена кривична пријава“, велат од МВР.