Основното јавно обвинителство за организиран криминал и корупција до Основниот суд Скопје 1, денеска достави обвинителен акт против Зоран Заев, лидерот на опозицијата, кој се товари за насилство спрема претставници од највисоки државни органи.
Обвинителството поднело обвинителен акт и за другите четворица осомничени во случајот.
Првообвинетиот, поранешниот разузнавач Зоран Верушевски, се товари за неовластено прислушување и тонско снимање, шпионажа и насилство спрема претставници од највисоки државни органи. Сопругата на Верушевски, Соња, е обвинета за шпионажа, а другите тројца за неовластено прислушување и тонско снимање, како и за насилство спрема претставници од највисоки државни органи.