Во Основниот суд Скопје 1 се очекува да почне судењето на втората група демонстранти, кои беа притворени по нередите и насилствата за време на протестите пред Владата, на 5 мај.
Деветмината демонстранти се товарат за кривичното дело учество во толпа, а меѓу нив има и двајца членови на „Студентски пленум“.
Во меѓувреме, закажано е и рочиштето за судењето на првата група уапсени демонстранти, кое ќе се одржи на 2 јуни.
Протестите пред Владата на 5 мај се одржаа по објавувањето на „бомбата“ на опозицијата за случајот на Мартин Нешковски.