Актерот Кристофер Ли почина на 93-годишна возраст, јавија странските медиуми. Актерот починал во болница откако бил хоспитализиран поради проблеми со дишењето и затајување на работата на срцето.
Славниот актер, кој е познат по бројни улоги, од Дракула до Саруман во филмската адаптација на делата на Толкин, починал во неделата наутро во болница во Лондон, тврдат изворите.
Одлуката веста да се објави неколку дена подоцна ја донела неговата сопруга, која изразила желба прво семејството да биде информирано за смртта на Ли.
Освен успешна филмска кариера, Ли објавил и серија хевиметал-албуми, вклучувајќи го и „Charlemagne: The Omens of Death“.
Во 2009 година е именуван за витез поради придонесот во театарот и добротворната работа.