Центарот за управување со кризи покрена иницијатива до Градот Скопје да се направи пешачки премин или кружен тек на булеварот „Србија“, кај зградите на Џевахир, за да се спречат пешаците да го претрчуваат булеварот по сообраќајницата меѓу новиот трговски центар и населбата Реонски центар.
Првиот човек на ЦУК, Стојанче Ангелов, вели дека во овој дел има голема концентрација на жители и во висококатниците и во наслебата, кои постојано имаат потреба да преминат од другата страна на булеварот, за што на располагање имаат два пешачки премини на семафорите, но помеѓу нив има растојание од околу 800 метри, заради што се одлучуваат да претрчаат и да се изложат на опасност.
„Бараме од Град Скопје, по барање на граѓаните коишто живеат на ова подрачје најбрзо што може да се уреди еден пешачки премин или кружен тек за да можат и возилата безбедно да се приклучат на булеварот „Србија“, вели Ангелов.