Американски државјанин по потекло од Јордан денеска во текот на летот од Франкфурт до Белград се обидел да отвори врата и да го урне авионот, пишува српски „Курир“.
Во авионот меѓу другите патници биле и ракометарите од клубот „Војводина“, кои помогнале да се спречи катастрофата.
– Патникот сакаше да ја отвори вратата и да предизвика хаос. Цело време зборуваше како го изгубил разумот и дека сака сите да одиме кај Алах. Ситуацијата беше напната. Несреќата, за среќа, е спречена. Тој бил спречен од ракометарите и авионот безбедно слетал во Белград – пишува српски „Курир“.
По слетувањето, полицијата го уапсила патникот кој моментално е на сослушување.