Општина Тетово почна да издава тезги под закуп во централното градско подрачје, откако деновиве спроведе акција за остранување на дивите тезгеџии. Покрај градската библиотека, веќе се поставени шест тезги, а се планира ист број вакви тезги да има и на градскиот плоштад.
– Ја поздравуваме ваквата одлука на Општина Тетово. Сега тезгите каде ја продаваме стоката се регуларни и нема потреба да се плашиме од инспекциските служби, кои претходно ги острануваа тезгите, за кои немавме ниту, пак, имаве можност да извадиме дозвола за нивно поставување – вели еден од закупците.
Од тетовската локална самоуправа велат дека тезгите ќе се издаваат по цена од 80 денари за еден ден.
– Планираме на ниво на цел град да поставиме вакви тезги. На тој начин ќе се ослободат јавните површини низ градот, каде на импровизирани тезги се продава сè и сешто – велат од Општина Тетово.
З.Д.