Околу 350 мигранти се обиделе минатата ноќ да минат од францускиот град Кале преку тунелот Ла Манш во Велика Британија, соопштија полициски извори.
Според истите извори, 200 мигранти се спречени да го преминат тунелот, а 140 се фатени откако го минале и се пуштени, додека 10 се уапсени.
Ова е значително помал број мигранти кои се обиделе да стигнат во Британија преку Ла Манш, во споредба со претходните денови. Ноќта во понеделник кон вторник, регистрирани се 600 обиди за преминување, додека еден ден пред тоа беа регистрирани 1.700.