Марина Овсјаникова ги извести Си-ен-ен дека суд во Москва ѝ го одзел старателство врз двете деца. Оваа одлука на судот доаѓа неполн месец откако Овсјаникова беше осудена на 8,5 години затвор поради „свесно ширење лажни информации“ за руските вооружени сили.
„Навистина сум шокирана од одлуката на судот“, изјави Овсјаникова.
Претходно, нејзиниот син и мајка сведочеле против неа, што исто претставувало шок за новинарката.
Според руската новинска агенција РИА Новости, бившиот маж на Овсјаникова ја покренал постапката за одземање на старателството на нивните деца: 11-годишно девојче која живее со мајка ѝ во Париз и 17-годишно момче кој живее во Русија.
На Овсјаникова ѝ беше даде политички азил во Франција, каде таа престојува со ќерка ѝ. Таа се надева дека Франција нема да ѝ ја предаде ќерка ѝ на Русија доколку руските судови ја побараат.
Иnаку, новинарката и уредничка на руската државна телевизија „Канал 1“ првпат ѝ стана позната на јавноста на 14 март 2022 година, кога упадна во студиото среде вести со транспарент на кој пишуваше: „Не за војната, прекинете ја војната, не верувајте во пропагандата, овде ве лажат. Руси против војната“.
Овсјаникова исто така протестираше во близина на Кремљ против руската инвазија во Украина, носејќи транспарент со слоган „Путин е убиец. Неговите војници се фашисти“.
Оваа судска одлука доаѓа кусо откако новинарката Алсу Курмашева беше приведена оти nе се регистрирала како „странски агент“.