Од 16 септември во Хрватска влегле 65.000 имигранти, соопштија од хрватското МВР.
Во текот на вчерашниот ден, влегле речиси 10.000 имигранти. Најголем прилив имало на подрачјето на Товарник, Илок и на Строшинац, во општината Врбања.
Еден број имигранти се наоѓаат во привремено прифатилиште во Опатовац, од каде се одвезуваат кон граничните премини Барањско, Петрово Село, Терезино Полје и Ботово.
Во текот на изминатата ноќ во прифатниот центар во Опатовац пристигнале околу 1.200 имигранти.
Според проценките на хрватското МВР, поради блокада на унгарската граница, но и на студените дождливи денови, може да се очекува бегалците од Грција, односно од Турција, да тргнат по рутата преку Албанија и Црна Гора.