Времето денеска ќе биде облачно, околу пладне и попладне ќе има повремени врнежи од дожд, а на планините со снег. Повеќе врнежи ќе има во западните делови. Поради нагло заладување проследено со засилен северен ветер, кон крајот на денот врнежите ќе поминуваат во снег и на повисоките места, а во текот на ноќта провејување на снег е можно и во пониските места во крајните северни и источни делови од земјава.
Ќе дува умерен јужен ветер, а кон крајот на денот ќе го смени правецот во засилен северен. Највисоката дневна температура ќе се движи во интервалот од 3 до 9 Целзиусови степени.
Во Скопје ќе преовладува слично време максимална дневна температура до пет Целзиусови степени.
Утре времето ќе биде променливо облачно, наутро се уште ќе има провејување на слаб снег во северните и источните делови, а преку денот ќе биде суво, студено и ветровито со засилен северен ветер. Потоа до крајот на работната седмица се очекува стабилно, суво и постудено време со слаб до умерен северен ветер.