Американскиот претседател Барак Обама задутре ќе разговара со државната обвинителка Лорета Линч за акциите што треба да се преземат во врска со контрола на оружјето.
Обама во неделното радио-обраќање кон нацијата рече дека добил многу писма од родители, наставници и од деца за „епидемијата на вооружено насилство“ и оти не може да „седи беспомошно и да не преземе ништо“.
Тој рече дека потребно е да се спречи малиот број на опасни луѓе да дојдат до оружје.
Трговците со оружје, кои имаат сојузна дозвола, мора да истражат и да соберат податоци за лицата што купуваат оружје.
Сепак, многумина што продаваат оружје ја немаат соодветната дозвола.