Во Белград се одржа основачко собрание за формирање на новата Партија на Македонците во Србија. За претседател на партијата е избран Горан Илијевски, додека за потпретседатели назначени се Ана Синицки, Даниела Цветановиќ и Славе Груевски. За секретар на партијата е избрана Биљана Милошевски.
– Бевме принудени да формираме партија на Македонците, како една нова сила, затоа што досега македонскиот етникум не беше застапен во извршните органи на власта во Република Србија – изјави претседателот на новоформираната партија, Илијевски.
Новоформираната Партија на Македонците во Србија очекува да учествува на претстојните избори во Србија, закажани за април годинава, а со тоа и да добие свои претставници на различни нивоа во власта.