Утре лидерите на политичките партии уште еднаш ќе се обидат да ги доближат позициите за излез од политичката криза. Како што е најавено, утре во Скопје ќе се одржи нова лидерска средба, но според досегашните изјави на политичките партии, мала е веројатноста дека ќе се постигне договор.
Една од клучните работи за која партиите досега не успеаја да се договорат е оставката на премиерот Никола Груевски. Тој во петокот во изјава за „Фајненшл тајмс“ рече дека ги прифаќа предлозите на опозицијата, но дека нема намера да даде оставка затоа што е легитимно избран од граѓаните.
За СДСМ, пак, токму повлекувањето на премиерот е клучно за успех на преговорите.
На лидерската средба нема да присуствува еврокомесарот Јоханес Хан.