Македонија Низ болниците се лекуваат 622 болни од ковид-19, има околу 430 празни...

Низ болниците се лекуваат 622 болни од ковид-19, има околу 430 празни кревети

Фото: Министерство за здравство

Во изминатите 24 часа во ковид центрите во болниците низ земјава е пријавено дека се лекуваат вкупно 365 пациенти позитивни и суспектни на корона вирусот. На инфективните оддели во главниот град, се лекуваат вкупно 257 лица сомнителни и потврдени за ковид-19. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 626 и има околу 430 празни болнички кревети во ковид центрите.

„По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 23 пациенти позитивни и суспектни на ковид-19. Во болницата во Штип се хоспитализирани 36 пациенти. На инфективното одделение во Тетово има 15 пациенти, во Велес се лекуваат 27 болни, а во Куманово 44 пациенти позитивни и суспектни на ковид-19. Во ковид центарот во Охрид има хоспитализирано 53 пациенти, во Прилеп 50, во ковид центарот во Гостивар 7, а во Струга 21 болен. Во болницата во Струмица хоспитализирани се 26 пациенти, во Кочани 4 во Кичево 8, Кавадарци 34, во Гевгелија 4 лица, а во Дебар 13 позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти,“ се вели во соопштението.