„Наставнички пленум“ до Уставниот суд поднесе иницијатива за спорните закони за основното и за средното образование, на која се потпишаа повеќе од 1.000 наставници.
Од пленумот велат дека најголемиот дел од оспорените одредби се однесуваат на ектерното тестирање.
– Она што би било најдобро сега да се направи е Уставниот суд да донесе привремена мерка, со која ќе ја стопира примената на законот за екстерно тестирање, бидејќи тоа е итно и важно за оваа генерација ученици и за наставниците – вели Благоја Ѓорчевски од „Наставнички пленум“.
Според претставниците на пленумот, овој модел на екстерно тестирање не е соодветен затоа што еден тест ги оспорува сите претходни во текот на годината, а предвидува казни и санкции за наставниците и за учениците.