Новиот министер за внатрешни работи, Оливер Спасовски, го осуди денешниот вооружен напад врз поранешниот министер за здравство и висок функционер на ВМРО-ДПМНЕ, Никола Тодоров, и најави дека МВР ќе ги преземе сите мерки за расчистување на мотивите за нападот.
На првата прес-конференција откако ја презеде министерската функција, Спасовски рече дека во изминатите години системот на правдата и правната држава целосно биле урнати. Граѓаните ја изгубиле довербата во институциите, а поради нивната партизација и политизација, почнале да бараат начини за решавање на сопствените проблеми.
– Како министер за внатрешни работи ги осудувам сите кривични дела и секое нарушување на безбедноста на граѓаните и на државата, но истовремено ќе ги преземам сите активности за враќање на довербата на граѓаните во институциите и во системот на државата – рече Спасовски.
Тој упати повик до сите граѓани да не преземаат дејства со кои ќе ги загрозат сопствениот и животите на другите.