Министерството за образование и наука објави конкурс за упис во јавните високообразовни установи за академската 2016/2017 година. На петте државни универзитети има 24.356 слободни места, од кои 13.536 места се наменети за редовни студенти во државната квота, 7.327 места за редовни студенти што ќе ги кофинансираат студиите и 3.493 слободни места за вонредни студенти.
– Датумите за уписните рокови ги одредуваат самите универзитети, но вообичаено првиот уписен рок е во втората половина на август, вториот кон крајот на август и во првите денови од септември, додека третиот уписен рок е кон средината на септември – изјави заменик-министерот за образование и наука, Спиро Ристовски.
На Универзитетот „Св.Кирил и Методиј“ во Скопје има 10.535 слободни мета, на Универзитетот „Св. Климент Охридски“ во Битола – 3.543 слободни места, на Универзитетот за информатички науки и технологии „Св. Апостол Павле “ во Охрид има 440 слободни места, на Државниот универзитет во Тетово има 4.600 слободни места, а на Универзитетот „Гоце Делчев“ во Штип има 5.238 слободни места.