На небото над Швајцарија синоќа пролетал метеор, кој, по сè изгледа, согорел во атмосферата.
Очевидците тврдат дека околу 20.50 часот виделе зелено-бел метеор како лета над Швајцарија, а неколкумина успеале и да го снимат целиот настан.
Некои од очевидците велат дека слушнале гласна експлозија проследена со зеленикаво светло.
Полицијата во Цирих и во Берн примила повеќе повици од луѓе кои пријавувале дека гледаат светлечки објект на небото.
Според бројните сведочења, метеорот е виден и во Австрија и во јужните делови на Германија, јавува „Раша тудеј“.