Германската канцеларка Ангела Меркел денеска во Сараево оцени дека БИХ има европска перспектива, но под услов, политичарите сериозно да си ја сфатат можноста која на оваа држава ѝ ја дава новата иницијатива на Европската унија.
– Европската перспектива на сите држави во регионот ни лежи на срце. Но, целиот регион може да просперира само со развој на БИХ – порача Меркел по разговорот со претседавачот на Советот на министри на БИХ, Денис Звиздиќ, и со членовите на Претседателството на БИХ.
Меркел нагласила дека на Германија ѝ е важна иднината на БИХ на европскиот пат и дека заедно со соседите, треба да работи на инфраструктурно поврзување на регионот.
На крајот на посетата, таа се сретна со претставничките на Здружението „Мајки на Сребреница“.