Ману Чао ќе го затвори јубилејното, петто издание на „Д фестивал“ во Дојран. Настапот на Ману Чао е најавен за недела, на 19 јули.
Во Дојран доаѓа со својата „Ла вентура“, која ја сочинуваат уште и гитаристот Маџид, басистот Гамбит и тапанарот Гарбансито. Ману минатата година одржа низа настапи на најголемите светски фестивали, како што се „Роскилде“ и „Вудсток“, годинава ги предводи најзвучните фестивали во Европа, а неодамна одржа и неколку стадионски настапи во Аргентина и во Колумбија!