На 6 март, в понеделник, шефот на Делегацијата на ЕУ, Самуел Жбогар, и амбасадорот на Словенија, Милан Јазбец, ќе го посетат Тетово како дел од кампањата „ЕУ за тебе“.
Кампањата „ЕУ за тебе“ почна на 27 јануари во Кичево за да се подигне свеста и да се информира јавноста за помошта на ЕУ во земјата.
Во Тетово, амбасадорите ќе посетат неколку проекти финансирани од ЕУ и ќе се сретнат со претставници на граѓанското општество кои се занимаваат со прашања за животната средина.
Целокупната помош на Европската Унија во областа на животната средина е повеќе од 80 милиони евра во рамките на програмата ИПА1 (2007-2013), додека понатамошна поддршка од 100 милиони евра се планираат во рамки на ИПА2.