Американскиот претседател Барак Обама го именуваше Џозеф Кленси за директор на американската тајна служба, игнорирајќи ги повиците за поставување „човек од надвор“ по низата скандали што ја потресоа службата.
Педесет и деветгодишниот ветеран Кленси бил задолжен за заштита на Обама и на неговите претходници на таа функција.
Четиричлениот владин одбор сметаше дека на службата ѝ е потребен „лидер однадвор“. Претходната директорка на службата поднесе оставка откако човек со психичко растројство, во септември, ја прескокна оградата и упадна во Белата куќа со нож.
Белата куќа соопшти дека Кленси, без разлика што е човек однатре, има „чесна и јасна процена“ за тоа што е неопходно за да се направат реформи во тајната служба.