На 21 ноември, во 21 часот, во „Галерија 8“ во Безистен, во Старата скопска чаршија, ќе биде отворена изложбата на фотографии од Стефан Лупино од Република Хрватска.
Стефан Лупино е еден од најпознатите естрадни и модени фотографи од поранешните југословенски простори, признаен и на светско ниво. Во златниот период на 70-тите и на 80-тите години на минатиот век, Лупино престојува во Америка, во големото јаболко и центар на светската уметничка сцена, Њујорк. Препознат од големите издавачки куќи, станува фотограф за познатите магазини, како: „Диталс“, „Вог“, „Фото“, „Зум“,„Јуропео“, „Ел еспресо“ и на нивните насловни страници се објавени негови фотографии. Еден магазин кој се издвојува е „Плејбој“, а за него Лупино и ден-денес е актуелен фотограф.
Лупино, покрај со фотографија, се занимава и со скулптура и со сликарство, а за неговиот стил и достигнувања во овие уметности, критиката воспоставува и нов термин „лупинизам“.