Повеќе од два часа скопските пожарникари вчера се бореле со пожарот што избувнал во стан во зграда во Чаир.
Интервенцијата за пожарот во станот на петтиот кат на зградата број 27 на улицата Павле Илиќ почнала околу 20.30, а пожарот е изгаснат во 22.40 часот.
Интервенирале 13 пожарникари со пет возила. Зафатени биле 60 квадратни метри од станот, а штетата се проценува на околу 300.000 денари.