Претседателот на Република Македонија и врховен командант на вооружените сили, Ѓорге Иванов, утре (1 јануари) во 11 часот ќе ги посети припадниците на Армијата на Република Македонија (АРМ), распоредени на јужната граница, соопшти Генерал-штабот на АРМ.
Иванов, како што информираат оттаму, ќе биде придружуван од Министерот за одбрана, Зоран Јолевски, и од началникот на Генерал-штабот на АРМ, генерал-потполковник Методија Величковски.
„Во текот на посетата, претседателот Иванов на припадниците на АРМ што ги извршуваат задачите за време на претстојните празници, ќе им ја честита Новата 2016 година, при што е предвидено со нив да има и заеднички ручек“, стои во соопштението.