Претседателот на Република Македонија, Ѓорге Иванов, вчера во Баку го доби признанието почесен доктор на науки на Академијата за јавна администрација на Азербејџан, највисоката образовна и научна институција за образување кадри и раководители во државната и во јавната администрација, соопшти кабинетот на македонскиот претседател.
По тој повод, претседателот Иванов пред присутните професори и студенти одржа предавање за Балканот, Кавказот и за Блискиот Исток, предизвиците со кои овие региони се соочуваат и за нивните односи со Европската Унија.
Посочувајќи го македонскиот модел на почитување на различноста како пример и историскиот развој на државата сè до денешницата, претседателот Иванов го објасни концептот на „интеграција без асимилација“.