Поранешниот заменик-директор на Управата за јавни приходи, Исмет Гури, го напуштил местото каде што издржувал куќен притвор и за него е распишана потерница.
На Гури, кој е осомничен заедно со 15 лица, меѓу кои и бизнисмени и вработени во УЈП за за злосторничко здружување и даночна измама, првично му беше одреден притвор, кој заради здравствени прични беше заменет со куќен притвор. Тој се сомничи дека проневерил околу 850 илјади евра.
Гури беше обвинет и во „Титаник 3“ за уништување изборен материјал, во кој Судот му изрече казна од три години и шест месеци.