„Интел“ ја купи канадската компанија за компјутерска безбедност „Пасворд бокс“. Компанијата во понудата има решение за брзо најавување на интернет-сервисите и на апликации. Наместо користење разни лозинки за секоја услога, „Пасворд бокс“ го олеснува процесот со користење една лозинка.
„Пасворд бокс“ е основана во 2012 година, а според соопштението од „Интел“, по аквизицијата, фирмата ќе биде интегрирана во компанискиот „Секјутири груп“. Во моментов 48 лица работат во „Пасворд бокс“, а наскоро ќе станат вработени на „Интел“.
Вредноста на аквизицијата засега не се објавува, а трансакцијата би требало да се изврши во првата половина на следната година.