Популарниот гаџет на „Гугл“ со минијатурни димензии, „хромкест“, се чини дека е особено популарен меѓу американските корисници.
Според податоците на компанијата „Паркс асошејтед“, до септември годинава „хромкест“ држел 20 отсто од пазарот за прикажување мултимедијални содржини, со што се најде пред ТВ-сервисот „Епл“, кој држи 17 отсто. За споредба, минатата година „хромкест“ не беше ниту меѓу првите пет.
Околу 10 отсто од домаќинствата во САД поседуваат некој од уредите за прикажување содржини, а компанијата „Паркс“ предвидува дека тој процент до крајот на следната година ќе порасне на 25 отсто.
„Хромкест“ на „Гугл“ им овозможува на корисниците безжично прикажување на содржини од интернет на екраните на телевизорите или мониторите, а во САД се продава по цена од 35 долари.