Небото над Скопје попладнево е зафатено од густ чад од активен пожар, којшто трае повеќе од два часа во близина на селото Арачиново. Од Центарот за управување со кризи (ЦУК) информираат дека на терен се екипи на скопската противпожарна бригада за гаснење на пожарот.
Како што информираат од ЦУК, чадот што се издигнува е од пожар, во кој гори трска и ѓубре во каналите околу селото Арачиново. Пожарот зафатил поголема површина и ќе треба повеќе време за да се локализира и изгаси.