Граѓанското движење „Протестирам“ денеска по петти пат ќе организираат протести, кои ќе почнат пред Специјалното јавно обвинителство во 18 часот.
Тие повикуваат на масовен протест и бараат оставка на претседателот Ѓорге Иванов поради, како што велат, срамниот обид да ја попречи правдата и да ги аболира криминалците. Од „Протестирам“ бараат и почнување на процес за избор на експертска влада, која ќе го подготви теренот за вистински слободни, веродостојни и демократски избори, како и итно суспендирање на почнатиот процес на распишување парламентарни избори.
По Скопје и Битола, има најави за протести и во Струмица.