Градот Скопје утре во периодот од 20.30 до 21.30 часот ќе се вклучи во глобалната акција „Часот на планетата Земја“ и ќе го исклучи осветлувањето на неколку објекти во центарот на градот.
Осветлувањето ќе биде исклучено на плоштад Македонија и околу спомениците, Камениот мост, Скопската тврдина Кале, Мостот Око и на Мостот на уметноста.
Поддржувачите на акцијата „Часот на планетата Земја“ низ светот ќе ги исклучат светилките и ќе испратат силна порака за спас на планетата и за намалување на климатските промени.
Оваа светска манифестација се спроведува во 170 држави низ светот.